Hakerek husi : XISTO VIANA - Porto
Ó terus ba funu!
Ó terus ba kiak!
Ó terus ba hamlaha!
Ó terus ba hamrook!
Ó terus ba moras!
Ó terus ba fatin!
Ó terus ba matenek!
Ó terus ba justisa?
Ó terus ninin-laek!?
Ó taka-liman?
Ó harohan?
Ó taka ibun!
Ó perdua!?
Ó ulun terus-na’in!
Ó fuan terus-na’in!
Ó isin terus-na’in!
Ó klamar terus-na’in!
Ó isin tomak terus-na’in!
Ó na’i sai ukun-na’in
Ó sai na’in ba terus, no terus-na’in
Ó hun ba terus no terus nia hun
Ó terus, ó tanis, lasoi mata-ween
Ó loron sei iha, lahatene sá loron?
Ó hamriik no hakat, no hakat liubá!
Ó haboot ó fuan, isin no klamar
Ó husu ba Na’i Leten Aas bá
Ó neon sei nakloke, simu naroman
Ó ibun sei katak lakohi terus tan…!!!
No comments:
Post a Comment