May 30, 2011

12 Novembru 1991 - Viagem Sem Retorno

Husi: Deoteria Maria da Silva-Maezinha

Hau Tiu doben,
Iha 12  Novembru tinan 1991

Iha dader san madrugada ita hader no reza, hatais lao sai husi uma i la despede ita inan aman no maun alin sira hotu.

Hau Tiu doben,

Iha loron ida ne'ba, ho laran taridu, triste i tauk no la hatene atu buka ita iha ne'be los? wainhira rona inimigo sira tiru.

Momentu ne' kedas, ho matan ben, ami láo ba buka ita maibe triste liu tan wainhira ami so hetan deit imi hotu nebe lakon nia roupa nebe ema kolu sai husi imi nia isin iha rate Santa Cruz nia laran.

Hau Tiu Doben,

Tinan 16 ona ami la hatene ita iha ne'be, to'o agora rekadu ida mos laiha, mate ka moris, isin no ruin ami la hare i rate mos laiha.

Istoria no sakrifisiu nebe imi hotu halo iha momentu ne'ba todan tebes ba Timor Lorosa' i mos ba familia tomak.

Hau Tio Doben,

Ami fiar katak Timor no familia tomak sei la haluha imi hotu, imi nia naran no imi nia luta
sei temi ba nafatin to'o ba jerasaun foun sira.


Hau Tiu Doben,

Ita lakon husi ami nia sorin ho intensaun ida ba Timor nia liberdade. Ohin loron ami libre maibe ami lakon ema diak ida iha ami let. Ema ida nebe ami hotu hadomi tebes. Ita laiha ona, maibe ita nia espiritu hela ho ami nafatin

Hau Tiu Doben

Lembransa nebe imi hotu husik ba ami maka libertasaun. Imi maka forsa no imi maka loriku asuwain Timor lorosa'e nian.

Santa Cruz, Dili
11 November 

No comments: